• « Previous
• Next »

• 6/30/08
• Camera: de gas... XD

• Stumble It!
• Email this photo
• Permalink

¡nun van ser quién!

el ¿profesor? fernández de castro y a toa la gandaya ultramontana de la facultá de filoloxía de la universidá d'uviéu contaben, depués de presentar una enmienda de claru calter políticu y acientíficu na que suprímese l'estudiu del asturianu na universidá de les/os asturianes/os, contaben que diben dise tan contentos. ¡pues nun ye asina! güei, cuartu día de encierru en protesta por esti determín... ¡¡cuatro dìs y los que faiguen falta, rediós!! ehí va siguir xente solidario, que va presentar batalla hasta que se dea una igua al problema, y tamién depués, que mentantu estes rates sigan pelos pasiellos de la universidá hai que tar sollertes. nengún pasu atrás. un aplausu, poro, por esa xente colos que'l vienres a les 5 participé na toma del rectoráu, por esa xente que ta ehí aguantando, y por esa xente que pase lo que pase va siguir lluchando, y por tola xente que da dando la cara.

depués d'un finde de descansu de los esámenes, vuelvo p'allá, pal encierru, pal únicu llugar nel qu'agora me pide la mio concencia tar y del que namai salí pa ver a la familia, pa celebrar el fin de los esámens (hasta setiembre) y pa despidime d'una persona a la tantu ciñu-y garré, y a la que cuido volver a ver otra vuelta pa samateo. ¡y un abrazu tamién pa una tercer persona qu'estos meses va estrañala más que yo, y que tien un pá que nin argiñano! xD

visto qu'el ¿señor? fernández de castro nun paecen entender la nuesa llingua, voi dici-yoslo n'inglés, que ye más universal y más cosmopolita, con una frase que prestame enforma:

all in the hell can't stop us now!!!

cantar del día: "tía nemesia", de dixebra

con estos tiempos que cuerren
de normalización
nun sabemos qué modelu
emplegar como patrón.
si'l qu'afita l'academia
a dellos nun-yos val
la tía nemesia apurrirá la solución
tía nemesia for president!

l'asturies "pensante"
apautóse na cuestión
respetemos toles fales
foi la sensata opinión
nun hai que dexar que muerran
"esfoyaza" y "filandón"
pero pa llamate imbécil
siguirá sirviendo l'español
tía nemesia for president!
tía nemesia for president!

yá lo sabes fíu
si nun quiés quedar mal
fala'l bable del to barriu
o'l dialeutu del portal.
lo contrariu ye un agraviu
al orde y a la moral
siguirás faciendo gracia
pero con propiedá
tía nemesia for president! for president!!
tía nemesia for president! for president!!
tía nemesia for president! for president!!
tía nemesia for president! for president!!
tía nemesia for president!

préstame tamién enforma esta versión http://es.youtube.com/watch?v=WNa55dVVZ60 (y naguo por velos yá de vuelta)

¡salú y llingua asturiana!



-----Fliz