Kitt. Mándaos ó carallo...

Outra das xoias que había na exposición de clásicos de Sigüeiro: Un Pontiac Firebird Trans Am, ou o que é o mesmo: KITT

Aquel Kitt que nos tiña a todos diante da TV esperando a que Michael apretara o botón "Superpersecución" ¿lémbraste?

Aínda que eu sempre pensei que o mellor de Kitt era a voz. Se fixeran o coche fantástico cun Citröen Dyane pero coa mesma voz e as luces vermellas da calandra, a serie tería o mesmo éxito.

Mentres eu sacaba esta foto, había uns moteros embutidos en monos negros de coiro que se estaban cachondeando do coche en plan "kitt, ven e chúpama" jajajaja, jijijijij, juas, juas, que me parto el ojete, copón...

Pero antes de marchar, acheguei o meu reloxo á boca e dixen: "Kitt, mándaos ó carallo..." e Kitt, moi obediente e servicial, soltou un bocinazo de camión, fixo brilar as súas luces vermellas con aquel sonido tan característico e a algún que eu me sei... faltoulle tempo para chamar por mamá.