3uG (soleyeru, vistes, 38m2)

CARLOS SUARI. 10.10.08.

Probes xeneraciones que vos criaron naquella lleenda heroica de les piedres dende lo alto. El mitu d’unos protoasturianos que tolo daben por esti cachu tierra, y que nesi empeñu, practicaben una xenofobia romántica, tanto, que pela boca de dalgunos vieyos profesores d’Historia, sonaba a música. Probes de vosotres, quintes fíes del Cuadonguismu, agora que los científicos van probando qu’aquella xente, como la d’agora, yera más de falar que de batallar, claro ta, con grandes excepciones. Qu’entós los musulmanes nun pisaren muncho per equí quiciabes tuvo más que ver colos inmensos montes y les lluvies inmenses, colos pasos d’altura ñevaos seis meses al añu. Dicen los militares de güei, estos díes, nun congresu, que lo de Cuadonga pudo ser el resultáu de la ruptura d’unos pautos que firmaren unos y otros. Y entós alcuérdome de les ruptures implícites y explícites de los pautos d’anguaño, y de los líderes qu’espada en mano, pasen la vida naguando por tirar misiles, perdón, piedres, dende lo alto.

http://estaticos.20minutos.es/edicionimpresa/asturias/08/10/ASTU_10_10_08.pdf

To leave a comment, please log in by clicking one of the following