Itzubaltzeta/Erromoko SEGIren fotologa

Larunbatean denok Urbinara, AHT gelditzera goaz!

segitzubaltzeta — Thu, 15 Jan 2009 00:00:00 -0500

Gogoan izan, larunbatean Arabako Urbina herrian, eguerdiko 12:00ean, MANIFESTAZIO NAZIONALA izango da AHT geldi dadin aldarrikatzeko. Berebiziko garrantzia du manifestazio honek, beraz bertara joateko deia luzatzen diogu Itzubaltzeta/Erromoko gazteriari. Horrela, AUTOBUSA irtengo da 9:30ean Sabeco aurretik 3euroren truke. Apunta zaitezte, zu eta zure lagunak, gaztetxean edo Branka herriko tabernan dauden zerrendetan. AHT GELDITU!!! PNV, UPN, PSOE, UMP, ZUEN PORLANEAN ITOKO ZARETE!!! *Oharra*: segurtasun arrazoiak medio ezin da iritzirik eman gune honetan.

Urtarrilaren 17an, AHT GELDITZERA GOAZ!

segitzubaltzeta — Fri, 09 Jan 2009 00:00:00 -0500

Agur t'erdi, Datorren urtarrilaren 17an, larunbata, eguerdiko 12:00ean, Nazio Manifestazioa egingo da Urbinan "AHT gelditu! Elkarlana" k deituta. Orain da momentua txikizio basati hau salatzeko, guztion artean geldi dezakegu. Gazteok zeresan handia dugulako, SEGI gazte erakundeak dei egiten dio Itzubaltzeta/Erromoko gazteriari, eta euskal gazte guztiei, Urbinan izango den mobilizazioan parte hartzeko. Horrela, gure herriko Ezker Abertzalearen eta Itzubaltzeta Gazte Asanbladaren elkarlanari esker, autobusa abiatuko da Urbinara, goizeko 9:30ean Sabeco paretik. Autobusean tokia hartzeko, Branka Herriko Tabernan edo Gaztetxean dauden zerrendetan izena eman beharra dago, 3 euroren truke. Informazio gehiago hemen: http://abenduak17.gofreeserve.com/ AHT txikitu! PNV, UMP, PSOE, UPN, zuekin etorkizunik ez! Etorkizuna independentzia!!! Itzubaltzeta/Erromoko SEGI *Oharra*: segurtasun arrazoiak medio ezin da iritzirik eman gune honetan.

OSTIRALEAN 20:30ean KONTZENTRAZIOA XAKEN

segitzubaltzeta — Wed, 29 Oct 2008 00:00:00 -0400

Agur t’erdi, Iragan larunbatean Independentzia Eguna ospatu genuen gazte independentistok Hernanin. Bertan, besteak beste, kalejira zen burutzekoa iluntzeko 20:00etan, ostean ekitaldi politikora bideratuz. Espainiako Entzutegi faxistak lehenengo, eta PNVren txakurrek gero, kalejira bortizki erasotu eta ekitaldia egitea eragotzi zuten, ondorio larriak eraginez: hamarnaka zauritu eta zazpi atxilotu. Inon aipatu ez bada ere, zaurituen artean Itzubaltzeta/Erromoko 2 lagun daude, zauri gogorrak pairatu behar izan zituztelarik. Lerro hauetatik doala gure babes eta besarkadarik handiena haientzat eta gainontzeko zauritu zein atxilotuentzat! INFORMAZIO GEHIAGO HEMEN: http://www.gaztesarea.net/info/berria.php?id=12838 ETA HEMEN: http://www.gaztesarea.net/info/berria.php?id=12841 IRUDIAK: http://www.gaztesarea.net/info/galeria.php?galeria=12838&id=12838 Ostiral honetan, hilak 31, KONTZENTRAZIOAK burutuko ditugu gazte independentistok Euskal Herriko herri guztietan, Hernaniko gertakariei erantzuteko eta adierazteko PNV ez dela abertzalea, baizik eta Espainiaren menpeko egiturako txontxongilo bat gehiago. Hain zuzen ere, Itzubaltzeta/Erromon 20:30etan kontzentratuko gara Xake plazan. Era berean, horren aurretik (20:00etan) leku berean Euskal Preso Politikoen etxeratzearen alde hilabeteko azken ostiralero egiten den kontzentraziora etortzeko deialdia ere egiten dugu. Gurea da garaipena! ETORKIZUNA INDEPENDENTZIA! *Oharra*: segurtasun arrazoiak medio ezin da iritzirik eman gune honetan.

GAZTEOK BERRIZ ERE TORTURATUAK!

segitzubaltzeta — Thu, 09 Oct 2008 00:00:00 -0400

Iker Aristu, Mikel Marin eta Iñaki Marinek torturak salatu dituzte: Inkomunikatuak izan dituzten 3 egunetan mota guztietako tratu txarrak jaso dituztela salatu dute. Ikerri ariketa fisiko ugari egin arazi dizkiote, flexioak behin eta berriz egin arazi dizkiote, buruan poltsa jarri diote arnasarik gabe utziz, mehatxuak ugariak izan dira, denbora guztian argia piztuta izan dute lo egitea galaraziz etab. Iñakik kamiseta odoldua du eta adierazi duenez sudurren eman zioten kolpe baten ondorioz odoletan hasi zen. Mikelek adierazi du bidaia oso-oso gogorra izan zuela, begiak estalita eduki zizkiotela eta kolpe ugari eman zizkiotela, etengabe mehatxatuz... Segiko kideak izatea egotzi diete eta ondorioz talde terroristan aritzea, kalteak eragitea... Iker Aristuri epaileak Segiren inguruan bakarrik galdetu dio. DENAK KARTZELARA BIDALI DITUZTE! Informazio guztia hemen: http://www.askatu.org/berria.php?id_edukia=1305&lang=eu Eta hemen: http://www.gaztesarea.net/info/berria.php?id=12713 PSOE TORTURATZAILE, EGINDAKOA ORDAINDUKO DUZUE! GORA EUSKAL GAZTERIA! *Oharra*: segurtasun arrazoiak medio ezin da iritzirik eman gune honetan.

EUSKAL GAZTERIA TORTURATUA!

segitzubaltzeta — Wed, 08 Oct 2008 00:00:00 -0400

Gorka Sueskun, Iker Araguas eta Ibai Azkonaren tortura testigantzak: Gorka Sueskun etxean bertan atxilotu zuten eta berehala egin zioten miaketa. Iker Araguas gaueko 22:00etan atxilotu zuten ondoren miatu zuten lokalaren inguruan eta Ibai Azkona berriz Golem zinemen inguruan atxilotu zuten 22:15 inguruan. Beraien etxeetara miaketetara eraman aurretik denbora batez izan zituzten komisaldegian eta hor hasi ziren aurreneko kolpeak eta mehatxuak. Ondoren miaketak egitera eraman zituzten. Hurrengo egunean bertan Madrila eramaten dituzte. Bidai osoa oso postura desatseginetan egin arazten diote. Gorkari bidaian bertan poltsa jartzen diote buruan arnasarik gabe utziz eta kolpeak ematen dizkiote. Mehatxuak ere egiten dizkiote. Ibai berriz burua hanka tartean eramatera behartzen dute. Bidean kotxeak geldiune bat egiten du eta barrabiletatik heldu eta estutu egiten dizkiote. Atxiloketak irauten duen denboran behera begira egotera behartzen dituzte. Egun guztietan beraien kalabozoko argia pizturik egoten da eta zarata desatsegin bat entzuten dute iraunkorki, oso oso desatsegina. Galdeketa luzeak egiten dizkiote eta deklarazioak egitera behartuak dira. Eskuekin hainbat aldiz kolpatzen dituzte, batez ere buruan, sabalean eta barrabiletan. Flexioak egitera behartuak dira, eta gehiago ezin dutenean sabelean kolpeak ematen dizkiote. Ariketa fisiko pila bat egin arazten diete eta buruan boltsa jartzen diote arnasarik gabe utziz. Gorkari autoan eta galdeketetan egiten diote poltsa. Ibai poltsa apurtzen saiatzen da behin eta ondoren egiten diotenetan eskuak lotzen dizkiote berriz saiatu ez dadin. Ikerri sekulako botagurea sartzen zaio eta esaten diote hobe duela ez botatzea, bestela dena berriz jan beharko duela eta. Hileetatik tiratzen diote behin eta berriz eta elektrodoak jartzearekin mehatxu egiten diote. Etengabeko presioa eragiten diete, familiarekin eta bikoteekin mehatxu eginez. 3ek egiten dute deklarazio poliziala esaten dieten moduan eta honen ondoren lasaiago uzten dituzte. Epailearen aurrean hiruek salatzen dute beharturik eta torturen ondorioz egin dituztela deklarazio polizialak eta tratu txarrak salatzen dituzte. Gorkak adierazi du paperean ematen diotela deklarazio polizialean esan behar duena ikas dezan. Besteei poliziek esaten diote esan behar dutena. Epaileei esaten diote deklarazioa egitera nola behartu dituzten, eta Iker eta Ibaik entzutegi nazionaleko medikuari ere esaten diote. Iker ernia diskaletik operatu zuten orain urtebete inguru. Medikuari miña zuela esan zion eta honek medikamentu bat hartzeko esan zion. Baina denbora luzea apenas ezer jan gabe zeramalako ez zuen hartu. Ibaik oraindik sabel ingurua minduta duela adierazi du. PSOE TORTURATZAILE, EGINDAKOA ORDAINDUKO DUZUE! UTZI BAKEAN EUSKAL GAZTERIA! *Oharra*: segurtasun arrazoiak medio ezin da iritzirik eman gune honetan.

LARUNBATEAN 17:30ean DENOK BILBORA!

segitzubaltzeta — Wed, 01 Oct 2008 00:00:00 -0400

Euskal Herriak bizi duen salbuespen egoerari aurre egiteko ordua da! Euskal Herriak askatasuna behar duelako, ASKI DA! LARUNBATEAN, 17:30ean BILBOKO AITA DONOSTIA PLAZATIK NAZIO MANIFESTALDIA. *Oharra*: segurtasun arrazoiak medio ezin da iritzirik eman gune honetan.