Un fotolog malo de aturar

Sempre me sorprendeu atopar xente coa que non teño contacto directo ou á que acabo de coñecer e, no entanto, sostén as mesmas teorías, ten as mesmas crenzas absurdas ou fai as mesmas gracietas ca min ou o meu círculo máis próximo. Falamos, por exemplo, de verdades universais como a inexistencia de Murcia ou da categoría lingüística das "palabras que molan". Sobre o segundo asunto disertei na última semana con, polo menos, dúas ou tres persoas sen conexión entre si. A saber: "característico", "tétrico", "metafórico" ou, mesmo "benemérita", por pór só uns exemplos, son palabras que molan -que, xeralmente, son esdrúxulas-.

Foto: 6:46h, praza do Campo en Lugo, ao final dunha noite na que tamén se falou de palabras que molan e de máis cousas que non veñen ao caso. Lucensismo reparador antes de o X arrinque os motores principais.

To leave a comment, please log in by clicking one of the following