Fotolog Guardau

_¿Qué bandera?_

N'Asturies la República nun se proclamó'l día 14 sinon el 13, cuando tolos conceyales repúblicanos de Xixón, que yeren mayoría y col apoyu que-yos daben dende los reformistes (republicanos moderaos) hasta los anarquistes (que yeren la mayor fuerza de la ciudá y que nesi casu votaron en masa p'acabar cola monarquía) pasando pelos federales (que llegaron a ser mayoritarios en dellos momentos) decidieron facer casu a más de 15.000 persones que-yos pidíen la proclamación del nuevu réxime.

La bandera qu'izaron nun foi la que depúes diba ser la oficial de la segunda república, sinon la republicana federal. Federalismu que yera la base del programa de los republicanos federales (escaecíos na historia del sieglu XX) y de la CNT.

Les cróniques de la dómina falen d'un entusiasmu xeneralizáu, a pesar de les diferencies ente tolos partidarios de la república dende'l balcón de la Casa Conceyu "falaron miembros de tolos partíos de la coalición y tamién l'anarquista Segundo Blanco. A tonu cola bona voluntá reinante, la multitú aplaudió con igual entusiasmu a tolos oradores". La banda municipal de Xixón dio un conciertu na Plaza'l Carme y hasta altes hores anduvo peles cais de la ciudá tocando la Marsellesa y La Internacional.

Asina lo cuenta Pamela Radcliff:

"El procesu entamó a les 2 de la tarde, cuando una gran multitú convenció a los conceyales republicanos acabante escoyer, de qu'encabezaren una marcha hasta l'ayuntamientu pa esixir la dimisión del conseyu municipal monárquicu. Aquella mesma tarde hebo un conceyu de tolos partíos de la coalición, na que se constituyó un comité revolucionariu pa supervisar la transición. A primeres hores de la nueche, inda ensin noticies de Madrid, el comité asumió la responsabilidá de proclamar oficialmente la República en Xixón. Na Plaza de la Constitución, enfrente de la Casa Conceyu, una enorme multitú contempló en silenciu como los republicanos izaben la bandera federalista."
¿Cuála yera esa bandera? ¿La propuesta pol Partíu Republicanu Federal años primero?

To leave a comment, please log in by clicking one of the following