[*+ ] Faciendo Asturies [*+ ]

La organización d'esquierda soberanista vien d'asoleyar un comunicáu nel qu'afita'l so apoyu rotundu a la manifestación qu'entama per segundu añu consecutivu l'Ensame República Asturiana, énte la llegada a Asturies, otra vuelta, del séquitu real de los Borbones con motivu de los Premios Príncipe(s).

Asina Fai! quier facer un llamáu a toles persones y sectores comprometíos colos valores republicanos y de tresformación social y nacional a acudir a esta manifestación, qu'un día enantes de la entrega de los "premios", el xueves 22 d'ochobre, percorrerá les cais d'Uviéu y que tendrá salida dende la Estación del Norte a les 20 hores.

L'Asamblea Xeneral de Fai! destaca'l componente "verdaderamente unitariu de la mesma, realidá poco avezada nel entornu de la esquierda nacional asturiana" polo que considera importantísimo que tolos actores sociales y políticos que puxen por unos oxetivos bien asemeyaos salgan esi día a les cais p'amosar la so refuga a una institución arcaica y dafechu antidemocrática como ye la monarquía.

Amás, Fai! quixo espresar el so despreciu por unos "festexos" y unos galardones dafechu sovencionaos, provincianos y desprestixaos pola so duldosa oxetividá que, de lloñe, convierten a Uviéu y a Asturies en capital del vasallaxe una vegada al añu y, pa ello, sitien a la ciudá y al país al traviés d'una descomanada presencia policial.

Pa finar, Fai! llama a nun escaecer qu'hai 75 años, nesti país, el movimientu obreru axuntóse nun exemplu de maurez y compromisu nun procesu revolucionariu d'escala mundial p'aparar l'avance del fascismu; un fascismu qu'anguaño inda remanez nes instituciones llexitimáu por marcos supuestamente democráticos onde la disidencia ideolóxica ye penada y reprimida xabazmente; un totalitarismu qu'hai que desenmazcarar y al que-y hai que plantar cara güei, equí y agora, con inciatives que seyan quien a dinamizar y treslladar eficazmente esti discursu a una sociedá anestesiao na era de la (des)información.

REPÚBLICA ASTURIANA...¡SOCIALISTA Y SOBERANA!
N'Asturies, 16 d'ochobre de 2009.

Énte los Premios Príncipe


http://www.fai-asturies.org/principal.php?pag=lernot&id=93
http://www.fai-asturies.org/principal.php?pag=lernot&id=93
http://www.fai-asturies.org/principal.php?pag=lernot&id=93
http://www.fai-asturies.org/principal.php?pag=lernot&id=93

To leave a comment, please log in by clicking one of the following