cruelladevill's Fotolog

Estou a piques de morrer de calor nas Rías Baixas e aínda encima, o finde que nos imos de ruralismo, vai estar chovendo. Non hai dereito!!
Ó chegar a casa onte ó mediodía medio afogada, lembreime de Nines, que está embarazadísima e pensei que chegaría á casa medio derrengada. Pero nada, ela chegou toda rufa subida nos seus tacóns e dicindo que non fai tanta calor. Eu debo de estar feita de material de refugallo.
Pola tarde-noite quedei con Mari e con Conchi que me levaron a un sitio estupendo con terraza nun xardín moi chulo e alí estivemos tomando unha caña.
En Vigo non paran de pasar cousas pola rúa. Onte cruceime cunha manifestación contra o cambio climático e para promover o consumo responsable e o transporte público. A manifestación consistía en dous paisanos disfrazados como Ramón no entroido e unha pancarta, que daban voltas ó redor da rotonda da praza América e unha rapaza cun megáfono dicindo que non comprásemos cousas que non nos fan falta.
Ó cruzar a C/Coruña atopei un predicador facendo a súa labor pastoral alí nos xardíns ós que chaman O Desgüace, porque están alí tódolos vellos a pasar a tarde. Polo visto, no verán organizan ata partidas de bingo con premios como unha botella de aceite, unha caixa de galletas...
No traballo, hoxe estiven practicando co compresor que hai no taller para intentar montar un circuíto de pneumática que logo fagan os alumnos pero non fun capaz, creo que o compresor non vai ben (eu nin idea, pero foi o que dixo a outra profe de Tecnoloxía, que era a que me estaba explicando como facer).
Así que non vou poder facer cos alumnos o circuíto no mundo real, teranse que conformar con facelo co simulador no ordenador

Hoxe quedei para comer en Pontevedra co meu mozo e mañá voltarei a casa a desfacer unha bolsa e facer outra para irnos de ruralismo.

Bicos mil

To leave a comment, please log in by clicking one of the following